இதற்கிடையில், அடுத்தபடியாய் விஜய் வீட்டைத் தாக்கவும் முயற்சிகள் நடக்க அவசரகதியில் முதல்வரை சந்திக்க அனுமதி கேட்டார் எஸ்.ஏ.சந்திரசேகர். 'மேடம்கிட்ட சொல்லி இருக்கோம்...' என்கிற பதிலே தொடர்ந்து வர, இதற்கிடையில் விஜய்க்கு பல திசைகளில் இருந்து மிரட்டல் கால்கள் வர, வேறு வழியில்லாமல் உள்துறைச் செயலாளரைச் சந்தித்தது துப்பாக்கி டீம். அடுத்த சில நிமிடங்களிலேயே மீடியாக்களுக்குத் தலைகாட்டாமல் சிட்டாகப் பறந்தார்கள் அந்தக் குழுவினர்.
கடந்த சட்டமன்றத் தேர்தலின்போது அ.தி.மு.க.வுக்கு ஆதரவான நிலைப்பாட்டைத்தான் விஜய் எடுத்திருந்தார். ஆனாலும் விஜய் படத்துக்கு சிக்கல் வந்தபோதும் ஜெயலலிதா அவரை சந்திக்க மறுத்த காரணம் யாருக்கும் தெரியவில்லை. 'முதல்வருக்கு உடல்நிலை சரியில்லை' என்கிற காரணம் கார்டன் தரப்பில் சொல்லப்பட்டாலும், விஜய் அதை நம்பும் நிலையில் இல்லை. 'நாளைய முதல்வர்' என தமிழகம் முழுக்க விஜய்க்கு ஆதரவாக அடிக்கப்படும் போஸ்டர்களும் அரசியலை நோக்கிய அவருடைய நகர்தலும் தான் அரசுத் தரப்பை யோசிக்க வைத்திருக்கிறது என்கிறார்கள் கோடம்பாக்க வட்டாரத்தில்.
தடுக்கப்படுவது தான் தலைவராவதற்கு முதல் தகுதி என்பதை உணர்ந்து விஜய் சற்றே ஆறுதல் கொள்ளட்டும்!
- எம்.சபா
+ comments + 1 comments
வெல்டன் விஜய்! NALLA ANUBAVI.
Post a Comment