பாலாஜி சக்திவேல் VS பவர் ஸ்டார்!

''பாலாஜி சக்திவேல் பிழைச்சுப் போகட்டும்!"

பவர் ஸ்டார் பெருந்தன்மை பேட்டி

                                                                தழும்பே செம அழும்பு சார்...

தமிழ் சினிமாவுலகின் திருப்புமுனையாக வெளியாகி இருக்கும் வழக்கு எண் 18/9 படம் அத்தனை தரப்பினராலும் கொண்டாடப்படுகிறது... ஒரே ஒரு நபரைத்தவிர! அவர் நம்ம பவர் ஸ்டார் சீனிவாசன்! 

வழக்கு எண் 18/9 படத்தில் புறந்தள்ளப்பட்ட மனிதர்களின் வாழ்வியலை சொன்ன பாலாஜி சக்திவேல் நகைச்சுவைக்காக ஒரு சினிமா ஷூட்டிங் காட்சியை சேர்த்திருப்பார். கதாநாயகியிடம் காதலை சொல்லப் போராடும் வயதான ஒரு கதாநாயகனின் காமெடி அது. அந்தக் காட்சி பவர் ஸ்டார் சீனிவாசனை இமிடேட் செய்து உருவாக்கப்பட்டது என்பதை யாரும் மறுக்க முடியாது. இதுதான் நம்ம பவர் ஸ்டாரை கடுப்பில் தள்ளிவிட்டது.

                                                                ஒரிஜினல் பவர்...

                                                            
                                       

                                                       டூப்ளிகேட் பவர் 

படம் பார்த்த அவருடைய ஆதரவாளர்கள் படத்தைக் கண்டித்து போஸ்டர் ஓட்ட முதலில் முடிவெடுத்தார்கள். அதற்கு தடைபோட்ட பவர் ஸ்டார், படத்துக்கு ஸ்டே வாங்கலாமா என தனது வக்கீல்களிடம் விவாதித்திருக்கிறார். 'இதைப் பெரிதுபடுத்த வேண்டாம்' என அவர்கள் சொல்லியும் பவர் ஸ்டாரின் ஆவேசம் குறையவில்லையாம். 

பவர் ஸ்டாரோட பவர் தெரியாமப் போச்சே...

விஷயம் நம் காதுக்கு வந்தது. நாம் பவர் ஸ்டாரை தொடர்புகொண்டு ''அந்தக் காமெடி காட்சி உங்கள் மனதை வருத்திவிட்டதாமே..." எனக் கேட்டோம். சில நிமிடங்கள் அமைதியாக இருந்தவர், நம் இணையதளத்தின் பெயரை மறுபடியும் கேட்டார். ''நான் இப்போ ஷூட்டிங்கில் இருக்கேன். ரெண்டு நாள் கழிச்சு நேர்ல வறீங்களா? அண்ணா நகர்லதான் ஆபிஸ்..." என்றார். பிறகு என்ன நினைத்தாரோ... ''எனக்கு அதில கொஞ்சம் வருத்தம்தான்..." என்றார்.  ''படத்தை தடை செய்யச் சொல்லி நீங்கள் வழக்குப் போடப் போகிறீர்களாமே?" எனக் கேட்டோம். ''ச்சே... ச்சே.. அப்படியெல்லாம் பண்ண மாட்டேன். ஒரு படத்தை உருவாக்க ஒவ்வொருத்தங்களும் எந்தளவுக்கு சிரமப்படுறாங்கன்னு எனக்கு நல்லா தெரியும். இருந்தாலும் நல்ல டைரக்டரான பாலாஜி அப்படி பண்ணியது கொஞ்சம் வருத்தமாத்தான் இருக்கு. பெரிய மனுஷங்க... ஒருத்தரோட மனசை சங்கடப்படுத்தலாமான்னு யோசிச்சு இருக்கணும். ஒரு நல்ல படத்தோட வெற்றிக்கு நானும் காரணமா இருக்கேன்கிறதை நினைச்சு சந்தோசப்பட்டுக்க வேண்டியதுதான். மத்தபடி அந்த மனுஷன் பொழைச்சுப் போகட்டும் சார்... தொந்தியும் தொப்பையுமா இருக்கிற ஒரு டைரக்டர் பாத்திரத்தை உருவாக்கி என்னோட படத்துல பாலாஜி சக்திவேலை கிண்டல் பண்ண எனக்கு எவ்வளவு நேரமாகும்? இருந்தாலும் நான் அப்படிப் பண்ண மாட்டேன் சார்..." என்றார் பவர் ஸ்டார் பெருந்தன்மையும் பெருங்கோபமும் ஒருசேர்ந்தவராக.

பவர் ஸ்டாருக்கு ஆறுதலும், அவருடைய பெருந்தன்மைக்கு பாராட்டும் சொல்ல எண்ணுபவர்கள் இந்த எண்ணை தொடர்பு கொள்ளலாம். இது பவர் ஸ்டாரின் செல்(ல) நம்பர்:

9962621263

- கும்பல்