சுனாமி நாயகனே வருக!

நல்ல அதிகாரிகளைப் பயன்படுத்திக்கொள்ள தவறுவதில் தமிழக அரசியல்வாதிகளுக்கு அவார்டு கொடுக்கலாம். வளைந்து நெளிந்து போகும் அதிகாரிகளுக்கு மட்டுமே வாய்ப்பு என்கிற நிலைதான் எப்போதும் தமிழகத்தில் நீடிக்கும். எப்போதாவது அத்தி பூத்தாற்போல சில அதிசயங்கள் நடந்தால்தான் உண்டு. அப்படி ஒரு அதிசயம்தான் ஜெ.ராதாகிருஷ்ணன் மறுபடியும் தமிழகத்துக்கு வந்திருப்பது!

ராதாகிருஷ்ணனுக்கு அறிமுகம் தேவையில்லை. கடலோர மாவட்டங்களை சுனாமி சுழற்றி அடித்தபோது ஆபத்பாந்தவனாய் கண்ணீர் துடைத்தவர். அதற்கு முன்னரே கும்பகோணத்தில் பள்ளிக்குழந்தைகள் தீ விபத்தில் பலியானபோது தத்தளித்த பெற்றோரின் பெருவழி துடைத்தவர். 'அய்யா... எங்க பொண்ணோட சடலத்தைக்கூட காணலையா... எங்க பொண்ணை காட்டாட்டி இந்த இடத்திலேயே நாங்களும் செத்திடுவோம்' என பதறி அழுத பெற்றோரிடம் தன் குழந்தையை ஒப்படைத்து ஆறுதல் சொன்னவர்.

அரசியல் பந்தாட்டங்களுக்கு ஆளாகிவிடமால் மத்தியப் பணிக்கு தன்னை மாற்றிக்கொண்ட ராதாகிருஷ்ணன் இப்போது மீண்டும் தமிழகத்தின் திட்ட அமுலாக்கத் துறையின் செயலராகத் திரும்பி இருக்கிறார். சிறப்புத் திட்டங்களின் மூலமாகவே தமிழகத்தை தன்னிறைவு கொண்ட மாநிலமாக்க முடியும் என முதல்வர் உறுதியாக நம்புகிறார். அதற்காகவே பிரத்யேக கவனத்தோடு அழைத்து வரப்பட்டிருக்கிறார் ராதாகிருஷ்ணன். இவர் மனைவி கிருத்திகாவும் மக்கள் பணியில் அக்கறை குறையாதவர். 

சுனாமி நாயகனை வரவேற்பதில் கும்பல் இணையதளம் பெருமகிழ்வு கொள்கிறது!

                                                  

                                                          - கும்பல் ஆசிரியர் குழு