பாண்டிராஜின் அடுத்த படம் 'ஏழரை'

பசங்க பாண்டிராஜ் இயக்கத்தில் வெளியாகி இருக்கும் மெரீனா படம் ஓரளவுக்குத் தாக்குப்பிடித்து - தம்கட்டி ஓடிக்கொண்டிருக்கிறது. 'நல்ல படம்... நிச்சயம் அவார்டு வாங்கும்...' என சிலரும், 'இதெல்லாம் ஒரு படமா... பாண்டிராஜ் பிசினஸ் நோக்கத்திலும் அவார்டு மோகத்திலும் எடுத்த மொக்கை படம்' என சிலரும் சொல்லி வருகிறார்கள். சமீப காலங்களில் எந்தத் தமிழ்ப் படத்துக்கும் இப்படி நேர் எதிரான விமர்சனங்கள் கிளம்பி இருக்காது.

ஆனால், இதையெல்லாம் சட்டையே செய்யாமல் அடுத்த படத்துக்கான வேலையில் இறங்கி விட்டார் பாண்டிராஜ். இவர் அடுத்தும் எடுக்க இருப்பது சின்னப்பையன்கள் சம்பந்தமான கதைதான். படத்துக்கு தலைப்பு 'ஏழரை' . இந்தப் படத்தில் ஏழரை வயதுப் பையனை மையமாக வைத்து கதை பின்னப்பட்டு இருக்கிறதாம். இதுதவிர, சின்னக்குழந்தைகள் சம்பந்தப்பட்ட மேலும் மூன்று கதைகள் பாண்டிராஜ் வசம் இருக்கிறதாம்.

- ஏ. ஆர். எம்.தாஸ்